Avropa Liqasının 1/8 final mərhələsinin "Bayer" - "Qarabağ" cavab görüşündə Ağdam təmsilçisinin azarkeşlərinə ayrılan yer sayı bəlli olub. 90plus.az xəbər verir ki, 30 min 210 azarkeş tutumuna malik "BayArena"dan 1500-1800 "Qarabağ" azarkeşi komandasına dəstək olacaq.  Daha əvvəl "Bayer"in 1790 ədəd bilet ayırdığı qeyd olunmuşdu. Xatırlatma : "Bayer" - "Qarabağ" matçı martın 14-dən 15-nə keçən gecə - Bakı vaxtı ilə saat 00:00-da başlayacaq. Bu komandalar arasında Bakıda keçirilən qarşılaşma 2:2 hesabı ilə başa çatıb.