Heydər Əliyev Beynəlxalq Aeroportunda Azərbaycanın bir qrup idmançısının Parisdə keçiriləcək Yay Olimpiya Oyunlarına yolasalma mərasimi baş tutub.
90plus.az xəbər verir ki, yolasalma mərasimində iştirak edən gənclər və idman naziri Fərid Qayıbov idmançılara uğurlar arzulayıb.
Nazir sözlərində belə qeyd edib:
"Bu gün ilk nümayəndə heyətimiz yola düşür. Artıq ayın 25-də oxatma üzrə çıxışlara başlanılacaq. 48 idmançı ilə ilk dəfə olaraq 15 idman növündə qatılırıq. Təbii ki, hər bir idmançımız və federasiyalarımız bu yarışlara illərlə hazırlaşırlar. İnanıram ki, idmançılarımız qalib gələcəklər".
Qeyd: İyulun 26-dan avqustun 11-dək Parisdə keçiriləcək Yay Olimpiya Oyunlarında Azərbaycanı 48 idmançı 15 idman növü üzrə 17 proqramda təmsil edəcək.
