Avropa Liqasının 1/8 finalında keçiriləcək "Bayer" - "Qarabağ" cavab oyununa hakim təyinatları bəllidir. 90plus.az UEFA-nın saytına istinadən xəbər verir ki, matçı İngiltərə Futbol Assosiasiyasından Entoni Teylor idarə edəcək. Ona həmyerliləri  Qari Besuik və Adam Nann köməklik göstərəcək. Dördüncü hakim funksiyasını Endryu Medli yerinə yetirəcək. VAR hakimləri Stüart Attuell və  Carred Qavan Cillett (Avstriya) olacaq. Qeyd : İngiltərə və Avropanın məşhur hakimlərindən olan Entoni Teylor 2020-ci ildə UEFA Superkubokunu ("Bayern Münhen" - "Sevilya" matçı), 2023-cü ildə isə Avropa Liqasının finalını ("Sevilya" - "Roma" görüşü) idarə edib.  Martın 14-ü keçiriləcək "Bayer" - "Qarabağ" görüşü saat 00:00-da başlayacaq. Bu komandalar arasında ilk oyun 2:2 hesabı ilə başa çatıb.