Avropa Liqasının 1/8 mərhələsinin ilk oyunlarının rəmzi komandası açıqlanıb. 90plus.az ”Sofascore"a istinadən xəbər verir ki, "Qarabağ”ın yarımmüdafiəçisi Yassin Benzia açıqlanan heyətdə yer alıb. Bakıda "Bayer"lə heç-heçə etdikləri (2:2) görüşdə 90 dəqiqə meydanda olan əlcəzairli yarımmüdafiəçi oyunda ilk qolu vurub. Xatırlatma : "Qarabağ"ın hücumçusu Olavio Juninyo isə həftənin ən yaxşı futbolçusu adına 4 namizəddən biri olub, amma qalib Obameyanq (dubl etməklə) seçilib.