Qurban Qurbanov Xabi Alonso ilə görüşüb, ona xüsusi hazırlanmış əl işi olan ipək “Qarabağ” xalçası hədiyyə edib. 90plus.az Ağdam təmsilçisinin sosial media hesabına istinadən xəbər verir ki, görüş “Bayer”in Bakıya səfərindən qısa müddət sonra komandanın qaldığı oteldə baş tutub. Qurbanov uzun yol qət etmələrinə baxmayaraq, görüşməyə razılıq verdiyi üçün Alonsoya təşəkkür edib və onları Bundesliqada dəstəklədiklərini qeyd edib. Azərbaycanın təbiəti, görməli yerləri haqqında məlumat verib, onu gələcəkdə qeyri-rəsmi səfərə dəvət edib. Alonso səmimi münasibət və ölkəmizdəki xoş qarşılanma üçün minnətdarlığını bildirib. İspaniyalı mütəxəssis də “Qarabağ”ın ölkə çempionatındakı çıxışını izlədiyini vurğulayıb. Alonso bildirib ki, komandalar arasında dostluq münasibətləri yarandığı üçün həm yenidən Bakıya gəlmək və görüşmək, həm də rəqib olmamaq istəyi olub. Görüşün sonunda Qurban Qurbanov Alonsoya xüsusi hazırlanmış əl işi olan ipək “Qarabağ” xalçası hədiyyə edib. Qurban Qurbanovun Xabi Alonso ilə görüşündən videolink: https://t.me/doxsanplus/77507 Qeyd : Bu gün Tofiq Bəhramov adına Respublika stadionunda keçiriləcək “Qarabağ” - “Bayer” matçı bu gün saat 21:45-də başlayacaq.