Markus Reşford: “Özümü Anriyə bənzədirəm”.
90plus.az xəbər verir ki, İngiltərə millisinin və “Mançester Yunayted”in hücumçusu Markus Reşford oyun üslubunu Fransa futbolunun əfsanəsi Tyeri Anri ilə müqayisə edib. 26 yaşlı futbolçu “Goal”a verdiyi müsahibədə həm cinahda, həm də hücumun mərkəzində sərbəst hərəkət etməyi sevdiyini bildirib.
Reşforda görə, Anrinin sol cinahda oynayıb mərkəzə daxil olması və qapıya yaxın mövqelərdə təhlükə yaratması onun oyun stilinə çox bənzəyir:
“Özümün Anri ilə oxşarlığını görürəm. Ona sol cinahda oynamaq daha rahat idi, elə hücumun mərkəzində də. Meydanda mövqe seçimində sərbəst idi.”
İngiltərəli forvard zamanla hücumun mərkəzində — “9 nömrə” mövqeyində — özünü daha inamlı hiss etdiyini də vurğulayıb:
“Mən də inkişaf etdikcə ‘9 nömrə’ mövqeyində özümü daha rahat hiss etməyə başladım. Məsələn, mənim üçün arxası rəqib qapısına doğru oynamaq indi daha asandır. Daim qapıya yaxın məsafədəsən və təhlükəlisən.”
Son illərdə Reşford “Mançester Yunayted”də həm sol cinahda, həm də mərkəzdə çıxış edir. Erik ten Haqın rəhbərliyi altında daha çox cinahda oynasa da, komandanın hücum planlarında mərkəzi hücumçu kimi də əsas variantlardan biridir.
Reşford 2024/25 mövsümündə Premyer Liqada hələ tam istədiyi məhsuldarlığı göstərməsə də, potensialı və çox yönlülüyü səbəbindən İngiltərə yığmasının heyətində də əsas fiqurlardan biri olaraq qalır.
Markus Reşford, "Barselona"da Yamalla oynamaq ümidləri haqda:
"Əlbəttə, Yamalla oynamaq istəyirəm. Hər kəs ən yaxşılarla oynamaq istəyir. Ümid edirəm ki, bu baş verəcək. Hamımız gözləyəcəyik".
