“Liverpul”un ulduzu Mohamed Salah mötəbər “Qızıl top” mükafatını qazanmaq əzmindədir və onu bu yolda ən çox ruhlandıran amil öz xalqını qürurlandırmaq istəyidir.
90plus.az xəbər verir ki, misirli hücumçu dünya futbolunun ən yaxşı oyunçularından biri kimi “Liverpul”un Premyer Liqa çempionluğuna böyük töhfə verərək mövsümü 28 qol və 18 məhsuldar ötürmə ilə tamamlayıb və özü də bu il “Qızıl top”u qazanmaq üçün real şansının olduğunu düşünür.
Mükafata iddiası ilə bağlı sualı cavablandıran Salah belə deyib: “Bu il qazanmaq üçün yaxşı imkan var, amma görək necə olacaq.”
O, diqqətinin əsasən “Liverpul”la kuboklar qazanmağa yönəldiyini vurğulayıb, xüsusən də Çempionlar Liqası və Premyer Liqaya önəm verdiyini bildirib.
Ulduz futbolçu üçün “Qızıl top” qazanmaq şəxsi uğurdan daha artıq anlam daşıyır: “Mən bu mükafatı öz xalqım üçün qazanmaq istəyirəm,” – deyə Salah bildirib və ölkəsini sevindirmək istədiyini əlavə edib.
