"Real Madrid"in ikonası Toni Kroos "Barselona"nın yeniyetmə sensasiyası Lamin Yamala heyranlığını ifadə edib.
90plus.az xəbər verir ki, 17 yaşlı vunderkindi tərifləyərək, hətta dünyanın ən yaxşısı üçün belə onun öhdəsindən gəlməyin nə qədər çətin olduğunu etiraf edib:
"Lamin Yamal ilə mübarizədə ona qarşı müdafiə olunmaq çox çətindir. Driblinqini saxlamaq nə qədər çətin olsa da, onun xüsusən içəriyə doğru qəfil dönməyi və hər kəsin onun driblinq etməsini gözlədiyi anda dərin ötürmələr verməsi müdafiəçilər üçün ondan da çətindir. O, hər zaman epizodun ardını gətirə bilən doğru ötürmələr edə bilir və ardınca da topu almaq üçün geriyə qayıda bilir.
Onun bu mövsüm 25 və ya buna yaxın sayda məhsuldar ötürməsi var. "İnter"ə qarşı oyunda da komanda yoldaşlarına müsbət emosiyalar bəxş edirdi. Hesabda 0-2 geridə idilər, fasilədə Lamin komanda yoldaşlarına yaxınlaşdı və onlara pozitiv enerji ötürdü. Sadəcə 17 yaşı var...
Hətta çətin məqamlarda belə o, oyundan zövq almağa davam edirdi. Düşünürəm ki, hesab 3-4 olduqdan sonra, hətta yüksək təzyiq altında olsalar belə, oyunundan zövq almağa davam edirdi və hər an topu əldə etməyə çalışırdı".
