"Çelsi"nin yarımmüdafiəçisi Kristian Pulişiç bir neçə ay yaşıl meydanlardan uzaq qalacaq. 90plus.az Britaniya mətbuatına istinadən xəbər verir ki, bu barədə London klubunun baş məşqçisi Qrem Potter məlumat verib. Qeyd edək ki, 24 yaşlı futbolçu İngiltərə Premyer Liqasının 19-cu turunda "Mançester Siti" ilə matçda (0:1) dizindən zədə alıb və 22-ci dəqiqədə əvəzlənib. Xatırladaq ki, ABŞ millisinin üzvü bu mövsüm  İngiltərə Premyer Liqasında 16 oyuna çıxıb və 1 qol vurub.