"Sofascore" statistik portalı Avropa Liqasının pley-off mərhələsinin ilk oyunlarının rəmzi komandasını elan edib. 90plus.az xəbər verir ki, rəmzi 11-likdə "Qarabağ"ın 3 futbolçusu yer alıb. Bunlar qapıçı Andrey Lunyov, yarımmüdafiəçilər Marko Yankoviç və Abdullah Zubirdir. Lunyovun çıxışı 7,9, Yankoviçin 8,0, Zubirin oyunu isə 9,0 xalla qiymətləndirilib.  Xatırlatma : "Qarabağ" Portuqaliyada "Braqa"ya 4:2 hesabı ilə qalib gəlib. Zubir bu oyunda 2 qol vurub, 1 qol ötürməsi edib. Yankoviç isə penaltidən rəqib qapısına yol tapıb.