"Braqa"nın baş məşqçisi Artur Jorje Portuqaliya çempionatında ötən gecə "Farense"yə qalib gəldikləri oyundan (2:1) sonra mətbuat konfransında "Qarabağ"la cavab matçına toxunub. 90plus.az  xəbər verir ki, o, Avropa Liqasının pley-off mərhələsində "Qarabağ"la olacaq cavab matçı barədə bunları deyib: "Liqada yenidən qalib gəldik, inam və motivasiya səviyyələrini artırmaq vacib idi. Əlbəttə, "Qarabağ"la oyuna fərqli əhval-ruhiyyədə yollanacağıq. Artıq diqqətimizi Bakıdakı oyuna yönəltməyə başlayacağıq. Son dəqiqəyə qədər mübarizə aparacağıq ki, hesabı xeyrimizə dəyişək".  Baş məşqçi zədə səbəbindən "Qarabağ"la ilk oyunda meydana çıxmayan Portuqaliya millisinin vingeri Rikardo Hortanın Bakıdakı görüşə hazır olacağını da bildirib: " Mən 95 faiz əminəm ki, oynayacaq". Qeyd : Fevralın 22-də Tofiq Bəhramov adına Respublika Stadionunda oynanılacaq "Qarabağ" - "Braqa" görüşü saat 21:45-də başlayacaq. Portuqaliyada keçirilən ilk matç təmsilçimizin 4:2 hesablı qələbəsi qeydə alınıb.