Portuqaliyanın “Braqa” klubunun prezidenti Antonio Salvador UEFA Avropa Liqasının pley-off mərhələsində “Qarabağ”a 2:4 hesablı məğlubiyyətə görə komandasını tənqid edib və tələb qoyub! 90plus.az “ ojogo.pt ” saytına istinadən xəbər verir ki, futbol funksioneri Braqadakı oyunun sonra dərhal paltardəyişmə otağına gedib və qışqıraraq futbolçuları danlayıb, onlara sərt mesajlar verib. Komandanın oyunundan narazılığını bildirən klub rəhbəri Portuqaliya çempionatının növbəti matçında və “Qarabağ”la cavab görüşündə qələbə tələb edib. Qeyd : "Qarabağ”la “Braqa” arasında cavab görüşü fevralın 22-də Tofiq Bəhramov adına Respublika stadionunda keçiriləcək.