“Qarabağ”ın futbolçusu Riçard Almeyda bu gün Avroliqanın pley-offunda qarşışacaqları Portuqaliyanın "Braqa" klubu haqda açıqlama verib. 90plus.az Portuqaliyanın "Ojogo" saytına istinadən xəbər verir ki, Almeyda iki klubun oxşarlığından danışıb: “Braqa” “Qarabağ”a bənzəyir, amma maaşı bizdən yuxarı olan klubdur. Portuqaliyaya gedəndən bəri həmişə “Braqa”ya rəğbət bəsləmişəm. Alan, Lima, Salino, Uqo Viana ilə super komanda qurdular, “Benfika”nı məğlub edərək Avropa Liqasının finalına çıxdılar. “Braqa” sabitdir, fəlsəfələrinə uyğun və fərq yaradan oyunçuları seçirlər. Onlar böyük klublara çoxlu məşqçi göndərirlər. Bu gün yaxşı oyun proqnozlaşdırıram. Növbəti mərhələyə vəsiqə qazanmaq üçün əlimizdən gələni edəcəyik”. Qeyd : "Köhlən Atlar"ın "Braqa" ilə səfər oyunu Bakı vaxtı ilə saat 00:00-da başlayacaq. Cavab matçı isə fevralın 22-də Bakıda olacaq.