Cek Qriliş "Mançester Siti"nin FIFA Klub Dünya Kuboku heyətindən kənarlaşdırıldı.
90plus.az xəbər verir ki, "Mançester Siti"nin ulduz futbolçusu Cek Qrilişin adı ABŞ-da keçiriləcək FIFA Klub Dünya Kuboku üçün heyətə daxil edilməyib. Bu qərar, 29 yaşlı futbolçunun klubdakı gələcəyi ilə bağlı suallar doğurub və onun "Etihad" stadionundan ayrılacağı ehtimalını gücləndirib.
2021-ci ildə "Aston Villa"dan 100 milyon funt sterlinq qarşılığında transfer olunan Qriliş, "Siti"də keçirdiyi müddətdə gözlənilən performansı sərgiləyə bilməyib. 2024/25 mövsümündə Premyer Liqada cəmi 7 oyuna start verən futbolçu, ümumilikdə 32 matçda iştirak edib və 8 qol ötürməsi ilə yadda qalıb.
Hazırda Qrilişə bir neçə Premyer Liqa klubu, o cümlədən "Aston Villa", "Nyukasl", "Tottenhem" və "Çelsi" maraq göstərir. Bundan əlavə, "Borussiya Dortmund", "İnter Milan" və "Bayern" kimi Avropa nəhəngləri də futbolçunun vəziyyətini yaxından izləyir.
📰: Matt Law
