Fransanın “Le petit Lillois” nəşri “Qarabağ”ın futbolçusu Yassin Benzia haqqında yazıb . 90plus.az xəbər verir ki, nəşr Benzianın “Qarabağ”la Avroliqanın pley-off mərhələsinə yüksəlməsini ekzotik məqam adlandırıb, futbolçunun “Fənərbağça”, “Olimpiakos” və “Dijon”da karyerasından sonra bu ilin əvvəlində Azərbaycana getdiyini yada salıb.  “Çətin start mövsümünə (üç oyun, sıfır qol) baxmayaraq, dünən axşam (18 dekabr) Bakı “Neftçi”si ilə oyunda (2:0) o, bu mövsüm çempionatda artıq 6-cı qolunu vurdu. Bu, Benzianın ötən həftədəki tamaşasının davamı idi. O, Avropa Liqasında “Hekken”lə oyunda (2:1) da fərqlənə bilmişdi. Bu qol onun komandasına qalib gəlməyə və fevralda “Braqa” ilə pley-offda oynamağa imkan verdi ” - deyə yazıda qeyd edilib.