Avstriyanın “Şturm” klubunun yarımmüdafiəçisi Xavier Serrano məşq zamanı arı udduğu üçün Avropa Liqasının qrup mərhələsinin I turunda Portuqaliya “Sportinq”i ilə oyunu buraxacaq. 90plus.az  xəbər verir ki, futbolçu üzləşdiyi hadisə səbəbindən xəstəxanaya yerləşdirilib. Ona tibbi yardım göstərilib və ciddi problem aşkarlanmayıb. Qeyd edək ki, bu gün keçiriləcək “Şturm” - “Sportinq” matçı Bakı vaxtı ilə saat 23:00-da başlayacaq. Serrano Avstriya çempionatının cari mövsümündə üç matçda meydana çıxıb.