Cud Bellingem “Real Madrid” – “Paçuka” oyununda ən yaxşı futbolçu seçildi, qardaşı Cob kimi.
90plus.az xəbər verir ki, “Real Madrid”in gənc ulduzu Cud Bellingem Klubların Dünya Çempionatında “Paçuka”ya qarşı keçirilən oyunda (3:1) yüksək performans nümayiş etdirərək “Matçın Ən Yaxşı Futbolçusu” mükafatına layiq görülüb. Bu uğur onun ailəsi üçün ikiqat əlamətdar olub.
Yalnız bir gün əvvəl Cudun kiçik qardaşı, “Borussiya Dortmund”un üzvü Cob Bellingem “Mamelodi”yə qarşı görüşdə eyni mükafatı qazanmışdı. Beləliklə, Bellingem qardaşları ardıcıl günlərdə müxtəlif klublarda çıxış etmələrinə baxmayaraq, eyni mükafatla diqqət mərkəzinə düşüblər.
Oyun sonrası açıqlamasında Cud Bellingem bu uğuru zarafatla dəyərləndirib:
“Qardaşımın vurduğu qol ağlımdadırmı? Bir az, dürüst olmalıyam. Hər kəs onun məndən daha yaxşı olduğunu deyərək məni tənqid edir. Nəsə etməli idim. Artıq 1:1 olduq, turnirin qalan hissəsində görəcəyik.”
Bellingem qardaşlarının uğurları futbol dünyasında böyük maraq doğurur. Onların eyni həftədə fərqli komandalarla ön plana çıxması ailəvi istedadın və əzmin göstəricisi kimi dəyərləndirilir. Turnirin davamında bu rəqabətin necə davam edəcəyi isə böyük maraqla izlənəcək.
