İrana məxsus raket Tel-Əvivdə "Hapoel Tel-Əviv" baş məşqçisi Deimitris İtudisin qaldığı binaya dəyib.
90plus.az xəbər verir ki, İranın İsrailə qarşı həyata keçirdiyi hava hücumları zamanı Tel-Əvivdə bir neçə nöqtə raketlərlə vurulub. İsrail mənbələrinin məlumatına görə, hücum zamanı atılan raketlərdən biri hazırda "Hapoel Tel-Əviv" klubunu çalışdıran məşhur baş məşqçi Deimitris İtudisin yaşadığı binaya dəyib.
Məlumata əsasən, Deimitris İtudis hadisə zamanı doğma vətəni Yunanıstanda olub. Həmin binada yerləşən mənzillərdən biri zərər görsə də, məşqçinin evi binanın digər hissəsində yerləşdiyi üçün xəsarət almayıb.
Klubdan açıqlama gəldi
"Hapoel Tel-Əviv" klubu məsələ ilə bağlı rəsmi açıqlama yayıb. Bildirilib ki, İtudisin evi hücumdan zərər görməyib və ictimaiyyətə yalnız təsdiqlənmiş məlumatların yayılması tövsiyə olunub.
Deimitris İtudis "Fənərbağça" ilə də çalışıb
Yunanıstanlı mütəxəssis 2016 və 2019-cu illərdə "ÇSKA Moskva" ilə Avroliqanın qalibi olub. 2022–2023 mövsümündə isə "Fənərbağça"nın baş məşqçisi kimi fəaliyyət göstərib.
