“Qarabağ”ın futbolçusu Kevin Medina Avropa Liqasının pley-off mərhələsində “Braqa” ilə oyunlarda meydanda olmayacaq. 90plus.az xəbər verir ki, Qurban Qurbanov jurnalistlərə açıqlamasında bunu deyib. O bildirib ki, kolumbiyalı müdafiəçi 4 aylıq sıradan çıxıb: “ Medina fevrala hazır olmayacaq. Əməliyyatdan sonra bizə məlumat verdilər ki, təxminən 4 ay olmayacaq. Mütləq onun yerinə transfer edəcəyik kimi hədəf qoymamışıq. Amma yaxşı oyunçu olarsa, “yox” demərik. Bəzən elə variant olur ki, onu əldən buraxmaq istəmirik”. Qeyd edək ki, Avropa Liqasında pley-off mərhələsinin oyunları 2024-cü il fevralın 15-də və 22-də keçiriləcək.