"Belə komandalara qarşı oynamağı sevirik". 90plus.az - ın məlumatına görə, bunu "Qarabağ"ın futbolçusu Kevin Medina Almaniyada yerli "Bayer 04" klubuna qarşı keçirəcəkləri UEFA Avropa Liqasının qrup mərhələsinin III tur oyunundan əvvəl mətbuat konfransında deyib. Müdafiəçi rəqibin əlavə təqdimata ehtiyacı olmadığını bildirib: "Matça yaxşı hazırlaşmışıq. Ümid edirəm ki, səfərdən yaxşı nəticə ilə qayıdacağıq". Qeyd edək ki, oktyabrın 26-da “Bay-Arena”da keçiriləcək “Bayer 04” – “Qarabağ” oyunu Bakı vaxtı ilə saat 23:00-da başlayacaq.