Bu il Klublararası Dünya Çempionatının qalibi 120 milyon avro və xüsusi nişan qazanacaq.

90plus.az xəbər verir ki, FİFA-nın bu yay ABŞ-də keçirəcəyi Klublararası Dünya Çempionatı tarixdə ilk dəfə bu qədər böyük miqyasda və yüksək maliyyə mükafatı ilə təşkil olunacaq.

Turnirin qalibi növbəti dörd il ərzində formasında daşıyacağı xüsusi FİFA nişanı ilə təltif olunacaq. Bundan əlavə, çempion klub azı 120 milyon avro mükafat əldə edəcək.

Yarış iyunun ortasından iyulun əvvəlinə qədər ABŞ-də keçiriləcək və bu, FİFA-nın indiyədək klublar arasında təşkil etdiyi ən bahalı turnir olacaq.

Turnirdə Avropanı təmsil edən əsas komandalar bunlardır:

• İngiltərədən: “Çelsi” və “Mançester Siti”
• İspaniyadan: “Real Madrid” və “Atletiko Madrid”
• Almaniyadan: “Bayern Münhen” və “Borussiya Dortmund”
• İtaliyadan: “Yuventus” və “İnter”
• Fransadan: PSJ
• Portuqaliyadan: “Benfika” və “Portu”
• Avstriyadan: “Zalsburq” (Red Bull)

📰: Ben Ceykobz