Argentina millisinin 36 yaşlı yarımmüdafiəçisi Anhel Di Mariya millidəki karyerasını bitirib.

90plus.az xəbər verir ki, gecəyarısı Amerika Kubokunun finalında Kolumbiya ilə final oyunu (1:0) Di Mariya üçün millidə sonuncu oyun olub. O, göz yaşı töküb və azarkeşlərlə vidalaşıb.

Di Mariya 2008-ci ildən forma geyindiyi Argentina millisində 145 oyuna çıxıb, 31 qol vurub. Qazancı:

Üç ardıcıl finalda qol vuran oyunçu;
2 qat “Copa America”nın qalibi;
1 dəfə Dünya Kubokunun qalibi;
1 dəfə Finalissimanın qalibi.

Hazırda "Benfika"da çıxış edir.

A. Di Mariya çempion olduqları matçdan sonra: “Milli komandadan belə ayrılmaq mənim arzum idi. Argentina mənim sevgim və ölkəmdir. Hər kəsə təşəkkür edirəm”.