“Qarabağ”ın portuqaliyalı yarımmüdafiəçisi Leandro Andrade Avropa Liqasının pley-off mərhələsinin püşkünü dəyərləndirib. 90plus.az xəbər verir ki, 24 yaşlı futbolçu ölkəsinin klubuna rəqib olduğu üçün sevindiyini vurğulayıb: "Xoşbəxt olmaya bilmərəm. Püşkdən öncə qeyd etmişdim ki, Portuqaliyadan olan rəqibin gəlməsini arzulayıram. Bu, mənim üçün olduqca vacibdir. Mənim üçün böyüdüyüm ölkənin klubuna qarşı oynamaq prinsipial xarakter daşıyır. Ailəm oradadır və məni izləyəcəklər. Bu baxımdan mənim üçün vacibdir”. Qeyd: "Qarabağ" Avropa Liqasının pley-off mərhələsində "Braqa" ilə ilk oyunu fevralın 15-də səfərdə, cavab matçını isə fevralın 22-də Bakıda keçirəcək.