PSJ-nin hücumçusu Kilian Mbappe klubdan ayrılması şərəfinə dünən “White House” adlı eksklüziv fransız restoranında möhtəşəm 250 nəfərlik vida gecəsi təşkil edib. 90plus.az xəbər verir ki, Mbappe bütün dostlarını və Fransanın hər yerindən bir neçə nüfuzlu şəxsi bu gecəyə dəvət edib. Ən hörmətli qonaq isə Mbappe ilə yaxın münasibətdə olan Fransa prezidenti Emmanuel Makron olub. Mbappenin Avro-2024 başlamazdan əvvəl rəsmi olaraq "Real Madrid"in futbolçusu olacağı gözlənilir. Qeyd : PSJ-nin heyətində 307 oyuna çıxan Mbappe 256 qol vurub və 108 məhsuldar ötürmə edib. Mayın 25-də PSJ Fransa kubokunun finalında "Lion"la qarşılaşacaq və bu, Mbappenin Paris klubunda son oyunudur. Mənbə: Le Parisien