Bu gün Azərbaycanda növbədənkənar prezident seçkiləri günüdür. 90plus.az "AZƏRTAC"a istinadən xəbər verir ki, Milli Olimpiya Komitəsinin (MOK) və Azərbaycan Atıcılıq Federasiyasının (ATF) vitse-prezidenti Zemfira Meftahəddinova da Yasamal rayonunda 17 saylı seçki dairəsində səsvermədə iştirak edib: "Bu, tarixi gündür. Ölkəmizin ərazi bütövlüyü bərpa olunduqdan sonra ilk prezident seçkiləridir. Vətəndaş olaraq biz də ailəliklə səsvermədə iştirak etməyi özümüzə borc bildik. Qalib xalqın qalib lideri olmalıdır. Seçkilərin necə şəffaf keçirilməsinin bir daha şahidi olduq. Hər kəsə uğurlar arzulayıram”.