"Qarabağ"a son dəqiqələrdə qol vurmaqla oyunun taleyini döndərən "Bayer"in futbolçusu Patrik Şik ürək sözlərini deyib. 90plus.az xəbər verir ki, çexiyalı hücumçu UEFA-ya açıqlamasında "Qarabağ" haqda xoş sözlər söyləyib:  “Bu, sadəcə inanılmaz bir sonluqdur. Son dəqiqələrdə əsl həyəcan yaşadıq. Son saniyəyə qədər mübarizə apardıq.  “Qarabağ”  alqışa layiqdir. Çətin, həyəcanlı oyun oldu. “Qarabağ” Bundesliqadakı rəqiblərimizlə müqayisədə tam fərqli üslubda oynayır. Bu, işimizi çətinləşdirdi. Ancaq qalib gəldiyimiz üçün çox xoşbəxtəm. Bu, təsadüf deyil. Cari mövsüm artıq dörd və ya beşinci dəfədir ki, bu formada geridönüş edirik. İnanılmaz dərəcədə komanda ruhumuz var. Son dəqiqədə vurulan həlledici qol həmişə emosionallıq gətirir. Eyni formada davam etməliyik”. Qeyd: "Qarabağ"la "Bayer" arasında Bakıda keçirilən oyunda 2:2 hesabı qeydə alınıb. Leverkuzendə ötən gecə oynanılan görüşdə isə "Bayer" 3:2 hesabı ilə qalib gəlib.