Xankəndi şəhərinə səfər edən Peşəkar futbol liqasının prezidenti Elxan Səmədov və qurum rəsmiləri Ağdamda ağır qəzaya uğrayıb. 90plus.az APA-ya istinadən xəbər verir ki, vitse-prezident Aslan Şahgəldiyev, eləcə də qurum rəsmiləri Zaur Hacı-Məhərrəmov, Elgiz Abbasov və Sənan Abdullayev müxtəlif dərəcəli bədən xəsarətləri alıblar. DETALLI: Elxan Səmədov: Sağ baldırın yuxarı 3-də 1-nin böyük ölçülü açıq qəlpəli yerdəyişmiş sınığı, sağ dirsək oynağının oynaqdaxili sınığı; Sənan Abdullayev: Hər iki ayaq pəncəsinin əzilməsi; Aslan Şahgəldiyev: L1 fəqərənin kompression sınığı; Qafarlı Rasim Məmmədrəsul: Sağ diz oynağının əzilməsi;  Elgiz Abbasov: Sağ diz nahiyə əzilməsi; Zaur Hacıməhərrəmov: Burunun küt travması Hazırda qurum rəsmiləri Bakıya gətirilir. Qeyd edək ki, onlar dekabrın 21-də keçiriləcək “Qarabağ” - MOİK oyununun təşkilati məsələləri ilə əlaqədar Xankəndiyə gedirmişlər. Hər birinə Allahdan şəfa diləyirik.