Fransa Liqa 1-in ikinci turunda PSJ doğma meydanda "Anje" komandasını minimal hesabla məğlub edib. Qarşılaşmada yeganə qolu 50-ci dəqiqədə "Pari Sen-Jermen"in futbolçusu Fabian Ruiz vurub.
90plus.az xəbər verir ki, birinci hissə qolsuz bərabərliklə yekunlaşsa da, ikinci hissənin əvvəlində ispan yarımmüdafiəçinin zərbəsi paytaxt təmsilçisinə 3 xalı qazandırıb. Bu nəticə ilə PSJ mövsümdə ardıcıl ikinci qələbəsini qazanaraq xallarını 6-ya yüksəldib. "Anje" isə ilk məğlubiyyətini alaraq 3 xalda qalıb.
Görüşdən sonra "Pari Sen-Jermen"in qapıçısı Canluici Donnarumma azarkeşlərlə vidalaşıb. İtaliyalı qolkiper klubdan ayrılacağını rəsmi şəkildə açıqlayıb, lakin növbəti mövsümdə hansı komandada çıxış edəcəyi hələ də bəlli deyil.
