Bu gün UEFA Avropa Liqasının pley-off mərhələsinin püşkü atılıb. 90plus.az xəbər verir ki, İsveçrənin Nyon şəhərində keçiriləcək mərasimdə Azərbaycan təmsilçisi "Qarabağ"ın da bu mərhələdəki rəqibi bəlli olub. Azərbaycan futbolu tarixində ilk dəfə Avropa Liqasının 1/16 finalına yüksələn "Qarabağ" Portuqaliyanın "Braqa" klubuna rəqib olub. Avroliqa. Pley-off püşkatma /  Cütlüklər Feyenoord - Roma (Niderland - İtaliya) Milan - Renn (İtaliya - Fransa) Lans - Frayburq (Fransa - Almaniya) Yanq Boyz -  Sportinq (İsveçrə - Portuqaliya) Benfika - Tuluza (Portuqaliya - Fransa) Braqa - Qarabağ (Portuqaliya - Azərbaycan) Qalatasaray - Sparta Praqa (Türkiyə - Çex Respublikası) Şaxtyor - Marsel (Ukrayna - Fransa) Qeyd edək ki, pley-offun ilk matçları 2024-cü ilin fevralın 15-də, cavab görüşləri fevralın 22-də keçiriləcək. Qalib komandalar 1/8 finala vəsiqəni təmin edən Avroliqanın qrup birinciləri ilə qarşılaşacaqlar. "Qarabağ" da daxil olmaqla səpələnmişlər səbətində yer alan bütün 8 komanda ilk oyunlarını səfərdə keçirəcəklər.