"Hava şəraiti bizim üçün problem yaratmaz"- "Qarabağ"ın futbolçusu Marko Yankoviç UEFA Avropa Liqasının qrup mərhələsinin sonuncu turunda sabah "Hekken"lə (İsveç) Bakıda keçiriləcək oyunun mətbuat konfransında danışıb. 90plus.az xəbər verir ki, monteneqrolu yarımmüdafiəçi bir neçə gündür davam edən qeyri-sabit hava şəraitinin onların oyununa təsir göstərməyəcəyini bildirib: " Hava şəraiti bizim üçün problem yaratmaz. İnanmıram ki, yağış kiməsə problem yaratsın. Buna öyrəşmişik. Yaxşı fürsətimiz var. Hamı bacarığını göstərmək istəyir". Sabah bizi çox vacib oyun gözləyir. Tam hazırıq. Rəqibi də analiz etmişik. Əlimizdən gələni edəcəyik ki, oyunu və qrupu yaxşı nəticə ilə bitirək". Yankoviç hələlik pley-off haqda düşünmədiklərini qeyd edib: "Öncə biz sabah qalib gəlməli və Avropa Liqasının pley-off mərhələsinə vəsiqə qazanmalıyıq. Ondan sonra növbəti rəqib haqda danışa bilərik. Əgər komanda düzgün hazırlıq, motivasiya keçsə hər rəqibə qarşı oynaya bilərik. Bizim bu keyfiyyətimiz var".