"Qarabağ"ın üzvü Andrey Lunyov UEFA Avropa Liqasının qrup mərhələsində ən çox qurtarış edən qapıçılar sırasında 3-cü pillədə yer alıb. 90plus.az xəbər verir ki, rusiyalı qolkiper qrupdakı 6 qarşılaşmada 23 seyv edib. Siyahıya Kipr "Aris"indən Vana (30) başçılıq edir. "Rakuv"dan Vladan Kovaçeviç (27) ikincidir.  Xatırladaq ki, "Qarabağ" ötən axşam qrupda sonuncu oyununa çıxıb və "Hekken"ə qalib gələrək (2:1) Azərbaycan futbolu tarixində Avropa Liqasının 1/16 finalına yüksələn ilk komanda olub.