"Qarabağ"ın qapıçısı Andrey Lunyov Avropa Liqasının qrup mərhələsində "Hekken"lə həlledici oyun öncəsi (2:1) xəstə imiş. 90plus.az xəbər verir ki, Lunyovun agenti Anton Smirnov özünün "Teleqram" kanalında bu barədə yazıb. O, oyunçunun "Hekken"lə matçdan öncə qripə yoluxduğunu bildirib: "Andrey yəqin ki, məni bunları dediyimə görə danlayacaq. Amma bu vacib detalı qeyd etməyə bilmərəm. Düşünürəm ki, biz bunu indi deyə bilərik. İki gün əvvəl Andrey çox xəstə idi, virusa yoluxdu və bütün orqanizmi çökmüşdü. Məşqdən yayınmalı oldu. İki gün əvvəl sistem vurdular və nəhayət, onu ayağa qaldırdılar. Daha vacib və dəyərli olan "Hekken"lə matçda nümayiş etdirilən oyun və edilən seyvlərdir. “Qarabağ”ın həkimlərinə isə dərin təşəkkürlər! Eləcə də məşqçilər heyətinə etimadlarına görə! Təbii ki, Andreyə oynamaq istəyinə görə təşəkkür edirəm”. Qeyd edək ki, Lunyov "Hekken"lə görüşdə start heyətdə meydana çıxıb və sonadək oynayıb.