"Braqa"nın futbolçusu Joau Moutinyo “Qarabağ”a 2:4 hesabı ilə məğlub olduqları matç haqda danışıb. 90plus.az xəbər verir ki, 90+1-ci dəqiqədə komandasına penaltidən qol vuran Moutinyo həm özünü, həm də komanda yoldaşlarını günahlandırıb: "Nə qələbəyə, nə də heç-heçəyə layiq idik. Çempionatda “Sportinq”ə məğlubiyyətdən sonra burada başqa cür oyun göstərmək istəyirdik. Təəssüf ki, bacarmadıq. Başda mən olmaqla, hər kəs daha çoxunu etməlidir. Bilirdik ki, oyun 1:4 bitsə, hər şey çox çətin olacaq. İstənilən halda, vəziyyət indi də çətindir. İkinci qol, sadəcə, ümid yaratdı. Lakin geridönüş üçün səfərdə daha çoxunu etməliyik. “Qarabağ” Avropa Liqasında çox yaxşı komanda olduğunu göstərdi. Mərhələ adlamaq üçün böyük inamları var. “Qarabağ”a fərqli münasibət göstərməliyik”. Qeyd: Bu mərhələnin cavab oyunları fevralın 22-də keçiriləcək.