Bu gün UEFA Avropa Liqasının 1/8 final mərhələsinin sonuncu oyun günündə Azərbaycan təmsilçisi "Qarabağ" cavab matçına çıxacaq. 90plus.az xəbər verir ki, Ağdam klubu Almaniyada "Bayer"in qonağı olacaq. Oyun Bakı vaxtı ilə saat 00:00-da start götürəcək. Matçı ingiltərəli məşhur hakim Entoni Teylor idarə edəcək. Bakıda keçirilən ilk görüşdə 2:2 hesabı qeydə alınıb. Qeyd : "Bayer" bu mövsüm Avropada məğlub olmayan yeganə komandadır.  Leverkuzenlilər bütün turnirlər daxil 36 oyundur, uduzmur. Xabi Alonsonun çalışdırdığı kollektiv  bunlardan 31-də qalib gəlib, 5 oyunda heç-heçə edib.   "Bayer"lə "Qarabağ" Avropa Liqasının qrup mərhələsində də rəqib olublar. Komandaların Leverkuzendəki oyununda "Bayer" 5:1, Bakıdakı matçda isə 1:0 hesabı ilə "Qarabağ"a qalib gəlib. "Bayer" qrupdan lider, "Qarabağ" isə 2-ci yerin sahibi kimi çıxıb.