“Qarabağ”ın UEFA Avropa Liqasının (AL) pley-off mərhələsindəki rəqib namizədlər bilinib. 90plus.az xəbər verir ki, Çempionlar Liqasında qrup üçüncüləri olan komandalar mübarizəni AL-də davam etdirəcəklər. Onlar Avrop Liqasının qrup ikinciləri ilə pley-offda qarşılaşacaqlar. Hazırda H qrupunda ikinci pillədə qərarlaşan “Qarabağ” İsveçin “Hekken” klubu ilə bugünkü görüşdən sonra da mövqeyini dəyişməsə, ÇL-in qrupunda üçüncü yeri tutanlardan biri ilə üz-üzə gələcək. Potensial rəqiblər sırasında Türkiyə çempionu “Qalatasaray” və İtaliya nəhəngi “Milan” da var. “Qarabağ” Avropa Liqasında mübarizəni davam etdirə bilsə, pley-offdakı rəqibi dekabrın 18-də təşkil olunacaq püşkatmada bilinəcək. Bu mərhələnin oyunları 2024-cü il fevralın 15-də və 22-də keçiriləcək. “Qarabağ”ın potensial rəqibləri: “Qalatasaray” (Türkiyə) “Lans” (Fransa) “Braqa” (Portuqaliya) “Benfika” (Portuqaliya) “Feyenoord” (Niderland) “Milan” (İtaliya) “Yanq Boyz” (İsveçrə) “Şaxtyor” (Donetsk, Ukrayna) Xatırladaq ki, bu gün Tofiq Bəhramov adına Respublika stadionunda keçiriləcək “Qarabağ” – “Hekken” oyunu saat 21:45-də başlayacaq. Ağdam təmsilçisi hazırda 7 xalla ikinci pillədə yer alıb. İsveç klubunun hesabında isə xal yoxdur.