"Qarabağ"la Portuqaliyanın “Braqa” klubu arasında Avropa Liqasının pley-off mərhələsinin cavab oyunu çərçivəsində  keçiriləcək oyunun hakimləri bəllidir. 90plus.az AFFA-nın saytına istinadən xəbər verir ki, matçda ədaləti Bolqarıstandan olan hakimlər briqadası qoruyacaq. Baş hakim Georgi Kabakov olacaq. Ona Martin Marqaritov, Diyan Valkov köməklik göstərəcək. Dördüncü hakim funksiyasını Nikola Popov yerinə yetirəcək. VAR hakimləri  İvaylo Stoyanov və Draqomir Draqanovdur. Qeyd : Görüş fevralın 22-də Tofiq Bəhramov adına Respublika stadionunda saat 21:45-də başlayacaq. İlk oyunda "Köhlən atlar"ın 4:2 hesablı üstünlüyü var.