"Qarabağ”ın baş məşqçisi Qurban Qurbanov Nəriman Axundzadənin “Braqa” ilə oyun zamanı (2-4) qol şansını əldən verməsindən və buna görə də ağlamasından danışıb. 90plus.az Qurban Qurbanovun oyunsonrası mətbuat konfransından ən maraqlı məqamlarını təqdim edir: “Nərimanla ayrılıqda danışmamışam. Paltardəyişmə otağına gələndə də onu görmədim. Yəqin ki, gizlənirdi. Deyəsən, hətta oyunda da ağlayırdı. Fikri o epizodda qalmışdı. Əgər məsələyə bu cür yanaşdısa, deməli, çox böyük məsuliyyət dərk edir. Mən buna ancaq sevinirəm. Bəlkə də o qolu vursaydı, daha gec böyüyərdi. Məncə, indi daha çox böyüyəcək, öz üzərində işləyəcək. Mütləq onunla danışacağam. Hər şey pozitiv notlarla yekunlaşacaq”. VİDEO: https://t.me/doxsanplus/76060 "Bu cür matçlardan sonra çox danışmaq istəmirəm. Sadəcə bizim tutduğumuz bir yol var. Biz rəqiblərə çox hörmətlə yanaşırıq. Əgər bizdən üstündürlərsə, biz bunu qəbul edirik. Amma bu o demək deyil ki, biz bacarıqsızıq. Futbolçularda inam, təcrübə var. İşgüzardırlar. Bəzən belə nəticələr alınır, bəzən alınmır, rəqibdə daha çox alınır. Ola bilər ki, keyfiyyət baxımından onlar daha üstündürlər. Bu gün onlar edə bilmədi, biz etdik - bu o demək deyil ki, biz Bakıda da bacaracağıq. Futbolçular çox əziyyət çəkdilər. Allah həmişə əziyyət çəkənin haqqını verir. Biz daha da irəliyə getmək istəyirik. Meydana çıxırıq, çox risklər edirik. Bəzən alınır, bəzən heç alınmır. Çünki rəqib də bundan məharətlə istifadə edə bilir. Çox danışmaq istəmirəm. Çünki qələbənin məğlubiyyət tərəfi də var. Bu cür oyunlar həm mənə, həm futbolçulara, həm də ümumilikdə ölkə futbluna inam verir. Çox çalışsaq, belə turnirlərdə nəticə əldə edə bilərik".  VİDEO: https://t.me/doxsanplus/76053 Qurbanov pul və büdcə fərqi barədə: VİDEO: https://t.me/doxsanplus/76048  Qurban Qurbanov: “ Bakıdakı oyuna əsas psixoloji hazırlaşmalıyıq”. VİDEO: https://t.me/doxsanplus/76047 Qurban Qurbanovun ilk təəssüratları… VİDEO: https://t.me/doxsanplus/76044