Portuqaliya millisinin hücumçusu Kriştiano Ronaldonun Sloveniyadakı oteldə yatdığı çarpayı xeyriyyə hərracına çıxarılacaq. 90plus.az xəbər verir ki, Ronaldo martın 26-da Portuqaliya millisində Sloveniya ilə yoxlama oyunu üçün ölkənin paytaxtı Lyublyanaya gedəndə komanda ilə "Grand Plaza" otelində qalıb. Otelin nümayəndəsi təsdiqləyib ki, Ronaldonun yatdığı çarpayı xeyriyyə məqsədilə hərraca çıxarılacaq. Başlanğıc qiymətinin 5 min avrodan bir qədər çox olacağı bildirilir. Qeyd : Sloveniya millisi Portuqaliyaya 2:0 hesabı ilə qalib gəlib. Ronaldo meydana start heyətdə çıxıb və sonadək oynayıb. Mənbə: Daily Mail