Türkiyəli siyasətçi Sinan Oğan "Qalatasaray” ilə “Fənərbaxça” arasında Türkiyə Superkubok matçının Azərbaycanın Xankəndi şəhərində keçirilməsini təklif edib. 90plus.az APA-ya istinadən xəbər verir ki, siyasətçi bunu "X” platformasındakı paylaşımında qeyd edib: "Əgər oyunun xarici ölkədə keçirilməsi şərtdirsə, o zaman adıçəkilən oyun Xankəndi şəhər stadionunda keçirilsin. Əks halda, bu final Türkiyənin paytaxtına yaraşır”. Qeyd: Dünən superkubok oyunu Səudiyyə Ərəbistanında keçirilməli idi. Lakin bəzi qadağalar səbəbindən komandalar oyuna çıxmaqdan imtina edib. Xatırlatma: Sinan Oğan Türkiyəki sonuncu prezident seçkilərində namizədlərdən biri olub.