Türkiyə millisinin sabiq üzvü İlhan Mansız  qardaş ölkədə baş verən zəlzələdən zərərçəkənlərə dəstək olmaq üçün DÇ-2002-nin 1/4 finalında Seneqalla matçda geyindiyi formanı hərraca çıxarıb. 90plus.az xəbər verir ki, bu barədə o, özünün sosial şəbəkə hesablarında yazıb. O, formanın ilkin qiymətinin 1 milyon türk lirəsi olduğunu bildirilib. Forma satışından əldə olunan gəlir  zərərçəkənlərə dəstək üçün ayrılacaq. Qeyd edək ki, İ.Mansız DÇ-2002-nin 1/4 finalında Seneqalla matçın əlavə vaxtında "qızıl qol" vurub.