Türkiyə açıq çempionatında mübarizə aparmaq üçün Antalyada olan taekvondo üzrə Azərbaycan millisinin məşqçilər korpusu və komanda nümayəndələri növbədənkənar prezident seçkilərində iştirak ediblər. 90plus.az "AZƏRTAC"-a istinadən xəbər verir ki, onlar qardaş ölkədəki Azərbaycan Mədəniyyət və Dəstək Dərnəyində səs veriblər. Səsvermə prosesinə Azərbaycan Taekvondo Federasiyasının Nəzarət-Təftiş Komissiyasının sədri Anar Surxayzadə, pumse üzrə yığmanın baş məşqçisi Etibar İbrahimov, yeniyetmələrdən ibarət millinin çalışdırıcısı Rəşad Məmmədov, böyük məşqçi Vurğun Cəfərov və komandanın həkimi Ruslan Şərifov qatılıblar. Qeyd : yeniyetmələrdən ibarət yığma Antalyaya bu gün yollanıb.