Tomas Müllerin “Bayern Münhen” macərası başa çatdı — bir dövr bitdi!
90plus.az xəbər verir ki, bu gün Klubların Dünya Çempionatının 1/4 finalında "PSJ 2 - 0 Bayern Münhen" matçı onun üçün sonuncu idi.
15 avqust 2008 — məhz bu tarixdən etibarən Tomas Müller “Bayern Münhen”in əsl simasına çevrildi. 16 il boyunca dəyişməyən forma, sarsılmaz sadiqlik və meydanda bənzərsiz xarakter — alman futbolunun əfsanəsi indi doğma klubuna vida etdi.
Müller təkcə “Bayern Münhen”in deyil, bütöv Almaniyanın futbol simvoluna çevrilmişdi. O, həm meydanda, həm də meydandan kənarda əsl peşəkarlıq və nümunəvi davranışı ilə yadda qaldı.
İndi 34 yaşlı hücumçu karyerasının növbəti mərhələsi üçün təklifləri dəyərləndirəcək. Onunla maraqlanan klubların çox olacağı dəqiqdir.
Nəhəng rəqəmlər, əfsanəvi iz
- 755 oyun
- 250 qol
- 276 assist
- 33 kubok
Qazandığı titullar:
- Bundesliqa — 13 dəfə
- Almaniya Kuboku — 6 dəfə
- Almaniya Superkuboku — 8 dəfə
- Çempionlar Liqası — 2 dəfə
- UEFA Superkuboku — 2 dəfə
- Klubların Dünya Çempionatı — 2 dəfə
Müller “Bayern Münhen” forması ilə saysız-hesabsız rekordlara imza ataraq klub tarixinə adını qızıl hərflərlə yazdırdı. İndi “Bayern” bir əfsanəsinə əlvida deyir, amma Tomas Müllerin adı Allianz Arenanın divarlarında və azarkeşlərin qəlbində həmişə yaşayacaq.
Danke, Tomas. Səninlə futbol bir başqa gözəl idi.
