UEFA Avropa Liqasının pley-off mərhələsinə yüksələn bəzi klublar haqda yazı dərc edib. 90plus.az qurumun rəsmi saytına istinadən xəbər verir ki, yazıda Azərbaycan futbolu tarixində ilk dəfə Avropa Liqasının pley-off mərhələsinə yüksələn “Qarabağ”a da yer verilib. “Qarabağ”ın taleyi ilə görüşü ” başlıqlı yazıda Ağdam klubunun qrup mərhələsində mükəmməl çıxış etdiyi qeyd olunub: “Avropa Liqasında 8-ci cəhdində “Qarabağ” qrupda ilk 2 yerdən birini tutmağı bacardı və aruzusunda olduğu pley-off-a yüksəldi.  Azərbaycan çempionu H qrupunda mükəmməl çıxış etdi. Onlar  hətta böyük klub olan “Bayer”dən xal almağa yaxın oldular. Matçın sonuna yalnız bir neçə saniyə qalmış Viktor Bonifeys qələbə qolunu vurdu”. Yazıda o da qeyd olunub ki, “Qarabağ” bundan sonra da inamla çıxış etməlidir: “ Qarabağ” "Braqa"ya qarşı çətin pley-off matçlarına özünə güvənərək çıxmalıdır. Baş məşqçi Qurban Qurbanov bu yerə gəldiklərinə görə komandası ilə fəxr edir”.