TalkSPORT-a Ben Ceykobzun verdiyi məlumata görə, Səudiyyə Ərəbistanı Vinisius Junior üçün 350 milyon avroluq təklif hazırlayır.

90plus.az xəbər verir ki, Səudiyyəli transfer vasitəçiləri “Real Madrid”lə Vinisius arasında gedən müqavilə uzadılması danışıqlarını yaxından izləyiblər. Hazırda həmin danışıqlar dayanıb.

Vinisius “Real Madrid”də qalmaq istədiyini açıq şəkildə ifadə etsə də, illik 30 milyon avro tələb edir ki, bu da onu klubun ən yüksək maaş alan futbolçusuna çevirəcək. Lakin “Real Madrid” bu tələbi qarşılamaq istəmir. Məhz bu səbəbdən danışıqlar hazırda dondurulub.

Braziliyalı ulduzun Madrid klubu ilə 2027-ci ilə qədər qüvvədə olan müqaviləsi var. Hələ ki, Vinisius Səudiyyə Ərəbistanı variantını tamamilə istisna etməyib.

Əgər “Real Madrid” onu indidən satmasa, 2026-cı ildə – müqaviləsinin son ilinə girərkən – bazar dəyəri əhəmiyyətli dərəcədə düşə bilər.