“Çelsi”nin yeni transferi Joao Feliks yenidən oynamaq üçün 30 gün gözləməli olacaq. 90plus.az “SportBible”yə istinadən xəbər verir ki, cümə axşamı günü “Fulhem”a qarşı matçda qırmızı vərəqə alan Feliks 3 oyunluq cəzalandırılıb. Beləliklə, oyunçu yenidən meydanlara qayıtmaq üçün ən azı 30 gün gözləməli olacaq. Xatırladaq ki, "Çelsi" La Liqa klubu ilə 2027-ci ilə qədər müqaviləsi olan Portuqaliya millisinin üzvü Feliksi 6 aylıq icarəyə götürmək üçün "Atletiko Madrid"ə 9,7 milyon funt-sterlinq ödəyib. Qeyd edək ki, “Fulhem” - “Çelsi” matçı ev sahiblərinin 2-1 hesablı qələbəsi ilə başa çatıb.