"Mançester Yunayted"in baş məşqçisi Ruben Amorim vəzifəsini tərk edə biləcəyi ilə bağlı şayiələri qətiyyətlə rədd edib.

90plus.az xəbər verir ki, komandanın Premyer Liqada zəif çıxışına - 16-cı yerdə olmasına baxmayaraq, Amorim kluba olan baxışına sadiq qalır.
"Mən nə edəcəyimi dəqiq bilirəm" deyir. “Komandanın problemlərini başa düşürəm, ona görə də işi tərk etmək fikrindən uzağam”.
O etiraf edib ki, getməsi üçün azarkeşlərin və medianın güclü təzyiqi var, amma Amorim diqqətini həm cari mövsümdə, həm də gələcəkdə uğur qazanmağa yönəldir.
O qeyd edib ki, klubun performansı son nəticədə onun gələcəyini müəyyənləşdirəcək, lakin hələlik planlarını həyata keçirməkdə qərarlıdır.
Avropa Liqasının “Tottenhem”lə finalı yaxınlaşdığı bir vaxtda Amorimin sözləri sabitlik və qətiyyət hissi verir.
Finalda qazanılan qələbə kuboksuz bir mövsümü xilas edə və klubun mənəviyyatına lazım olan təkanı verə bilər.

Qeyd: İngiltərə mediası "Man Yunayted" rəhbərliyinin Ruben Amorimdən razı olmadığını yazır. UEFA Avropa Liqasını qazansalar belə, portuqaliyalı məşqçi ilə yollar ayrıla bilər.