Türkiyənin “Ankaragücü” klubu oyunçusu Xese Rodriqeslə yollarını ayırıb. 90plus.az xəbər verir ki, bu barədə klubun rəsmi saytında məlumat verilib. Belə ki, paytaxt klubu ilə ispan futbolçu arasındakı müqaviləyə qarşılıqlı razılaşma əsasında xitam verilib. Qeyd edək ki, 29 yaşlı oyunçu 2022-ci ildən oynadığı “Ankaragücü”ndə bu mövsüm ölkə çempionatı və kubokunda ümumilikdə 16 matçda meydana çıxıb, 5 qol vurub.