"Real Madrid" klubunun türkiyəli istedadı Arda Güler rəsmi olaraq La Liqada mövsümün 23 yaşadək ən yaxşı futbolçusu mükafatına namizəd göstərilib.
90plus.az xəbər verir ki, 21 yaşlı yarımmüdafiəçi uğurlu mövsüm keçirib və çempionatda 33 oyunda 4 qol, 9 məhsuldar ötürmə ilə yadda qalıb.
"Barselona" futbolçusu Fermin Lopes də namizədlər siyahısında yer alıb. O, çempion komandanın heyətində 30 liqa oyununda 6 qol və 9 assist edib.
Rəsmi namizədlər siyahısına İspaniya futbolunun ən parlaq gənc istedadlarından ibarət 5 nəfərlik qısa siyahı daxildir.
Yekun siyahıda "Osasuna" klubunun yüksək qiymətləndirilən gənc cinah oyunçusu Viktor Munyoz da yer alıb.
Onlara "Vilyareal" komandasının dinamik ulduzu Alberto Moleiro və “Barselona”nın çox yönlü gənc istedadı Fermin qoşulub.
Nüfuzlu fərdi mükafat uğrunda mübarizə aparacaq namizədlər siyahısını isə "Levante" klubunun perspektivli gənc yarımmüdafiəçisi Karlos Espi tamamlayır.
