Serbiyanın Novi Sad şəhərində keçirilən 20 yaşlıların Avropa çempionatında Azərbaycanın sərbəst güləş üzrə millisi komanda hesabında birinci olub.

90plus.az xəbər verir ki, 1 qızıl, 4 gümüş və 1 bürünc medal qazanan millimiz 132 xal toplayaraq növbəti dəfə komanda hesabında Avropa çempionu olub. Çempionatda Türkiyə 2-ci, Gürcüstan isə 3-cü yeri tutub.

Qeyd: Azərbaycan millisinin heyətində Xetaq Karsanov qızıl, Vasif Bağırov, Camal Abbasov, Sadiq Mustafazadə və Anar Cəfərli gümüş, Yusif Dursunov isə bürünc medal qazanıb.

Mənbə: Azərbaycan Güləş Federasiyasının media hesabı