"Borussiya Dortmund" Signal İduna Parkda "Frayburq" üzərində 4:0 hesablı inamlı qələbə qazanaraq növbəti mövsümün Çempionlar Liqasına vəsiqəni təmin etdi.

90plus.az xəbər verir ki, Almaniya Bundesliqasının 31-ci turunda qalib komandadan Seru Girassi mövsümün bütün turnirlərində 20-ci qolunu vurdu:

Borussiya Dortmund 4 - 0 Frayburq
M. Bayer 8’
S. Girassi 14’
Bensebsini 31’
F. Silva 

Niko Kovaçın komandası Bundesliqada "Leypsiq" üzərində xal fərqini 5-ə çatdırdı və turnir cədvəlində 5-ci yerdə olan "Hoffenhaym"dan 10 xal irəli düşdü. Mövsümün bitməsinə isə 3 tur qalır.

Bununla da Dortmund azarkeşləri 2026–27 mövsümündə Çempionlar Liqasında çıxış edəcəklərinə əmin oldular.

Statistik baxış: Üç rəqəmi ön plandadır

Ardıcıl iki məğlubiyyətdən sonra qələbə qazanan "Dortmund" Bundesliqada "Frayburq"a qarşı evdə keçirdiyi son 6 oyunun hər birində ən azı 3 qol vurub.

Girassi liqadakı 15-ci qolu ilə Bundesliqa tarixində bunu üç fərqli mövsümdə bacaran üçüncü afrikalı futbolçu oldu. Ondan əvvəl bu uğura Pyer-Emerik Obameyanq və Toni Yeboah imza atmışdı.

"Frayburq" isə turnir cədvəlində ilk üçlükdə olan komandalarla son 20 oyunda qələbə qazana bilməyib və bu cür rəqiblərə qarşı səfərdə keçirdiyi son 46 matçın yalnız birində qalib gəlib.